أثناء تجولي في الانترت أجد دائمًا مصطلح
wish list
خاصة عند أصحاب المواقع الشخصية .. أعجبتني الفكرة .. وقررت أن أنشرها الآن قبل أن أضيفها ﻹلى موقعي الشخصي لاحقًا ..
الفكرة عمومًا هي أنك تكتب كل الأشياء التي تتمنى الحصول عليها .. أو التي تتمنى حدوثها لك .. وبالتالي تسهل على أصدقائك وعائلتك ومن حولك معرفة ماتريد حقًا ومايسعدك .. وبالتالي يسهل عليهم اختيار هدية لك في أي مناسبة سعيدة 
أو يكون من السهل إسعادك عمومًا ..
طبعًا من الممكن أن يتجاهلك كل الناس وألا يأبه أحد لهذه القائمة!! عندها يكون لها فائدة أخرى بحيث تكون محفزًا لك للعمل الجدي للوصول إلى هذه الأمنيات ..
على أي حال .. سأفكر معكم هنا في قائمة أمنياتي ( my wishlist ) هي غير مرتبة ..
1- تذكرة سفر أو إقامة في أي دولة من دول العالم .. أتمنى زيارة كل دول العالم .. ( تذكرتين لو سمحت )
2- أي شيء يمت للكمبيوتر بصلة .
3- أحب جدًا التي شيرتات السادة ذات الألوان الجميلة والغير روتينية .. والروتينية كذلك .. هههه (اللون الأخضر سيكن مفاجأة جميلة )
4- العطور .. أحب lacoste essential – ck truth – Davidoff cool water – Diro higher energy..
5- أحب أقلام Parker!!
6- أيضًا iMac من ماكنتوش .. أفرده هنا لأنه من أحلام حياتي .. هههه
7- أتمنى أن أشارك في فريق تجديف أو ركوب الأمواج .. أو أن أتعلم الغطس (بعد أن أتعلم السباحة !)
8- كتب :
أي كتاب لـAllan Folsom .
أي كتاب لمحمد الغزالي .
كتاب The Field
9- اشتراك انترنت بسرعة كبيرة 4ميجا جميل جدًا
10- أحب Mugs الأكواب يعني . هههههه لو الميزانية مخسعة ..
هممم هذا ما خطر على بالي الآن .. سأضيف أشياء جديدة كلما تذكرت ..
أتمنى أن تشاركني الفكرة وتكتب عشر أشياء تتمنى الحصول عليها ..
إن كتبتها في مدونتك فضع الرابط في التعليقات .. وإن لم يكن لديك مدونة .. اكتبهم في التعليقات .. سأكون سعيدًا صدقني
حتى لو لم نكن على معرفة شخصية .. سيكون من الممتع قراءتها على أي حال
تحياتي ..
أدهم
Loading ...
Anonymous
Jul 21st, 2008
تحياتي عزيزي أدهم
فكرة جميلة و مؤثرة حقا خاصة و كما تعلم اننا الان نريد ان نحدد اهدافنا و احلامنا اكثر من السابق
بالنسبة للهدايا اعتقد ان المج ” Mug”
يمكن ان يكون هديتي لك في عيد ميلادك القادم- و لكن الحقيقة لا اعرفه تذكر ان تخبرني به عند اول لقاء قادم لنا -
اما بالنسبة لماي ويشيز – امنياتي انا -
ساكتفي بان اشاركك الاولى على سبيل البداية فقط
تقبل تحياتي ايها العزيز
أ.ع.الدراوي
albert2004_2011@yahoo.com
الجعرّ و أبورمّانة
Jul 22nd, 2008
مج من “آخر العنقود – كل شئ باتنين ونص” باتنين جنيه ونص
تي شيرت “سادة” من عند جيل أو الإمبراطور بتمانية جنيه
أن تقدم لأدهم شئ من الويش ليست : لا يقدر بثمن
نعكشة
Jul 27th, 2008
وش بيهرش قدام ودنة ( تغيير برضة )
ممممممممممممممممم
عايزة اية موضوع مش سهل بس نجيب اللي علي دماغنا دلوقتي
1- ألوان زيت و بتاعة كبيرة خشب و معاها الورق بتاعها من بتوع الرسامين و بالتة ألوان
2- كوتشي
اي حاجة نايك اديداس تيمبرلاند المهم يكون من النوع اللي بيستحمل عشان أنا بمشي بوش رجلي معرفش ازاي
3- برفيوم Boss اللي لونه اسود في نبيتي دة عشان مامتي مش بترضى تخليني احط من بتاعها
4- لو خاتم فضة شكله غريب يبقي قشطة
5- ممممممممممم هما خلصو ولا إية
طب ستة يمكن نفتكر خمسة
6- عايزة اسافر الف العالم لو تذكرة واحدة قشطة عشان مبحبش حد معايا ( اننية من قبل ما حد يجيب حاجة) بس يا ريت يكون فيه هناك مرشد عشان يعرفني الحاجات اللي في البلاد اللي هزورها
7- عايزة اتعلم اوتوكاد او 3 دي ماكس او اي حاجة تبع الكجرافكس
8- عايزة بتاع تفصيل محترم يصمملي الهدوم اللي بصممها
9- لو حتة كريستالة صغنونة علي هيئة دلاية وولا ميدالية ولا أي حاجة من دية
10 – بحب الشيبسي و الكاراتية و البمبوني و اللبان
5- بقة عشان نسيناها : لو عروسة لعبة او دبدوب كبير قوي اغطس فيه كدة و يكون شعرة ناعم
مُبهجة الحركة دية
بس معتقدش حد هيجيبلي حاجة من الحاجات دية
ههههههههههههههه
بس مُبهج التفكير نفسة
دمت سالم
سلامٌ عليك
Mero..
Jul 27th, 2008
اععععععععععععع
Mug ايه يا عم في الحر دا ؟؟
ركوب أمواااااااااج ؟؟
هههههههههههههههههههههههعععععععععععععععع
طيب بعيدا عن التريقة هبقى اخد حقي فيها بعدين..
مووووووووووووواه
يارب يا حبيبي تتحققلك كل احلامك
هبقى املى البتاعة دي في بلوجي بعدين ان شاء الله..
او هحطها ع البلوج البائس..
اشوفك على خير
بذرة امل
Jul 27th, 2008
فكرة جميييييييييلة يا دكتور ادهم
ان شاء الله ربنا يحقق لك امنياتك يارب
Dr.Mohammed Gohary
Jul 28th, 2008
حبيب أدهم
الموضوع راااااااااااااااائع
فوق الوصف
بجد والله
أما عن أمنياتي وأحلامي
كبيرة جدا بحب أحتفظ بيها لنفسي
لاني بجد لذّة غير عادية لما بحقق احدها
لكن موضوع هايل
هههههههههههههههههههههههه
لك خالص حبي وتقديري
الضاحك الباكي
Jul 28th, 2008
فكرة جامدة جدا
ربنا يحققلك أحلامك يا أدهم
أنا مش هاكتب أحلامي هنا
أن شاء الله هتلاقيهم في البلوج بتاعي قريب
Unique Gurl
Jul 28th, 2008
حلوة الفكرة اوي
ربنا يحققلك كل الاماني دي
و كل واحد يجيبلك حاجة من دول في عيد ميلادك
وانا ياسيدي ممكن اجيبلك mouse اهو حاجة تمت للكمبيوتر بصله ب 15 جنية من تكنولوجي مول
عاقلة علي ارض الجنون
Jul 29th, 2008
allah walahi fekra 7elwa awi awi
ana ba2ali fatra nefsy a3mel wishlist
btefre2 awy
thanks for reminding by luck
Jasmine..
Adham
Jul 29th, 2008
أحمد باشا .. فين المج؟؟؟
—
الجعر ..
شفت أنا سهل الإرضاء ازاي ..
برضه : فين المج ؟؟؟
—
ست الكل دينا ..
نورتي نورتي ..
هههههه
انت اللي فيهم
كفاية ده قدام الناس
—-
نعكشة ..
مرحبًا بك في مدونتي .
أمنياتك “مبهجة”!
يارب حد يحققهوملك ..
—-
انت يا ولد يا مراد .. اسكت أحسن لك ..
آه ركوب أمواج يا بتاع البنجي جمب هع هع
—-
بذرة أكل ..
مرحبًا بك في مدونتي .. سعيد بوجودك هنا ..
—-
محمد الجوهري ..
متشكرين يا عم على التثبيت والنفخ
منتظر موضوعك بفارغ الصبر
Adham
Jul 29th, 2008
نبيل
شكرا لتمنياتك الجميلة..
وفي انتظار موضوعك
—–
آمين ..
بس عيد ميلادي جه يعد البوست ده .. وماحدش عبرني غير ماما وخطيبتي ومراد .. ده حتى مراد جاب لي مصاصة!!
—-
welcome here jasmine..
glad you smiled..
—
شكرًأ لكم جميعًأ ..
وهذه كانت أمنيات .. ليست أحلام .. هي أشياء حقًا صغيرة يمكنك أن تسعدني بها .. فأنا قادر على تحقيق معظمها .. لكن ليس كلها مع بعض .. وهنا تتضح أعميتك .. هههههههههه
دمتم بخير ..
Anonymous
Aug 5th, 2008
فكرة جميلة جدااااااا.زي كل مرة طبعا
بس انا محدش يعرفني هنا علشان يبقى يجيبلى حاجة. بس مش مهم
ها قول بعض الامنيات لاني مش فكراها كلها دلوقتى
1/darts
2/ساعة رمل
3/بلورة زجاجية من نيويورك
4/اشيك ملابس طبعا .اي حاجة ف الملابس
5/اعمل سياحة داخلية ف مصر:الجونة-سفاجا -دهب-طابا-سهل حشيش…….
6/احجز في منتجع spa اسبوع كامل
7/ساعة يد مميزة جدااا
8/ميدالية مميزة جداااااا
9/نظارة شمس تحفة مووووت
كفاية كده
ربنا يحققلنا امانينا كلنا
(دكتورة صغيرة)